Bajarê Baselî yê Swîsre de  tecrîdê serê Rayber Şarê Kurdî Abdullah Ocalanî ame şermezarkerdene. Çalakîya ke semedê patdayîşê xoverdayoxanê grevê vêşanîye ameye viraştene de, şehîdê çalakîyanê fedaîyan zî ameyî yadkerdene.

Bi vengdayîşê  Platformê Paştdayîşê Grevê Vêşanîye yê Swîsre bi hezaran kesî ameyî têhet paşt da xoverdayoxan û bêvengîya Ewropa şermezar kerde. Çalakîye de şexsê şehîdanê çalakîyanê fedaîyan ê peyênan Ûgur Şakar, Zulkuf Gezen û Ayten Beçete de semedê heme şehîdan rêz ame girwetene. Dima ra zî bi nameyê platformî Leyla Şahîne qisey kerd. Şahîne şexsê Leyla Guvene de heme xoverdayoxî silam kerdî û vat ke ganî ma bibê vengê çalakwanan  û çalakîyanê înan biresnê serkewtişî. Qiseykerdişan ra dima rayraşîyayîşêk ame viraştene. Çalakwanan posterê Ocalanî û fotografê xoverdayoxan û şehîdan kiriştî û bi sloganan azadîye Ocalanî waşte û bêvêngîya Ewropa rê hêrsê xo ard ziwan. Reyna fotografê temsîlkarê MLKP’yî yê Rojawanî Bayram Namaz ( Baran Serhat) o ke vizêr hetê hêzanê îşxalî yê Tirkî û çeteyanê ci ra ame qetilkerdene zî ameyî kirştine û mesajê xurtkerdişê mucadeleyî ameyî dayene.