13ê hezîrana 2018 de verê vîjnayîşê 24ê hezîrane Almanya senî ke paştî bido Erdoganî eşt komeleyanê kurdan ê ke pabesteyê NAV-Demî yê û buroyê Civaka Azade ser.

Rixmo ke derheqê cigêrayîê Civaka Azade de qerar çînêbi zî seba ke bînaya NAV-Demî de yo raştê sereştişê polîsan amebi. Badê çar serran Mehkemeya Qanûnê Bingeyî ya Eyaletê Berlinî muracatê Civaka Azadî girewt dest û qerar girewt. Mehkeme sereştişê polîsan bêheq dî û teberê qanûnî de dî û vat ganî dewa newe ra bêro vînayene. Verî hem mehkemeyanê eyeletî hem zî yê herême muracatê Civaka Azade red kerdbi.

Xebatkaranê Civaka Azade ra Mako Qocgirî ard ziwan ke qerar zaf bikewo erey zî qerarêko muhîm o û vat: ''Bi bahaneyê PKKyî heqê komel û aktîvîstanê kurdan yenê binpaykerdene. Ma têna derheqê qewimîyayîşanê Kurdîstanî de zanayîş danê rayapêroyîya almanî û ma do destûr medê ke karê ma bêrê krîmînalîzekerdene. Ma do nika têkoşînê xo yê huqûqî bidomnê.''