Şaristanê Bernî yê Swîsre de seba gerîlayê HPGyî Devrîm Kabakî (Şoreş Amed) Komeleya Kulturê Kurdan de xeyma şînî ronîyaye. Xeyme de fotografê Devrîm Kavak û babîyê ci Cemal Kavako ke bi serra mîyanê têgêrayîşê azadîye de têkoşîn kerd, ameyî daliqnayene.

Xeylêk kesan xeyme zîyaret kerde. Sîyasetmedarê kurdî Ozan Botanî xeyma şînî de qisey kerd û îfade kerd ke keyeyê Kavakî kedêka pîle daye têkoşînê azadîye. Botanî vat: ''Xeta Rayber Apoyî do xeta îxanetî û îşxalan çin bikera. Ma do mîrasê embaz Devrîmî û embazanê ey bipawê.''

Qiseykerdişan ra dima sloganê 'şehîdî nêmirenî' ame vatene.

Seba Devrîm Kavakî siba zî herêma Gerlafîngenî ya Kantona Solotrohnî de hetê Meclîsê Keyeyanê Şehîdan ê Swîsre (KOMAW) ra merasîmêk do bêro kerdene.