Rêxistinanê Ciwananê Şorişgêran paytextê Swîsre Bern de sûcê şerî yê Erdoganî bi çalakîyêke protesto kerdî. Dezgehanê kurdîstanij û tirkîyayîjan zî paştî daye çalakîye. Çalakîye de pankarta 'Ukrayna de Putinî, Kurdîstan de Erdoganî vindarnê' ameye akerdene.

Çalakîye de ame vatene ke artêşa tirke vi cerganê DAÎŞî şaristanê Rojawanî îşxal kerdê û Erdogan polîtîkayanê şerî rê dewam keno. Ciwanan venga pêro merdimanê dinya da ke Ukrayna de Putinî, Kurdîstan de Erdoganî vindarnê.

Çalakîye bi sloganan qedîyaye.