Welatperwero kurd Kadir Saka (58) yo ke bi îddîaya îxlalkerdişê madeyê 129yî bajarê Bremenî yê Almanya de amebi tepiştene û şawîyabi Hepsê Damtorî yê Hamburgî, roniştişê ci dewam kerd.

Avûkatê Saka û xeylê kurdîstanî tewrê roniştişî bîyî. Mehkemeya Eyaletî ya Hamburgî cezaya hepsî ya di serran daye Kadri Sakayî.

Heyetê mehkeme îddîa kerd ke Sakayî xebetanê PKKyî ca girewto û keyeyê ci de posterê Rayber Apoyî ameyo vînayene û nê sey îxalkerdişê  madeyê 129 a û byî hesibnayî.

Heyetî vat seba ke Sakayî wextê prosesê mehkeme de poşman nêbîyo, o nêeşkeno şertê tehlîyeya bişertî ra îstîfade bikero.

Qerarê mehkumîyetî yê di serran hetê kurdîstanijan ra yê ke heyata mehkeme de bî, bi çapikan ame protestokerdene.