Ciwanê TCŞyî û CŞA seba ke rojbîyayîşê Rayberê Şarê Kurdî Abdullah Ocalanî fîraz bikerê kom bîyî. Ciwanan parkêka Schonefeldî de balonêk o ke serê ci de posterê Ocalanî daliqnaye bi, pê sloganê ''Biciwîyo Serek Apo'' perna. Şan zî pirdê Nekolnî de posterê Ocalanî daliqna.

Monchengledbach

Ciwananê enternasyonalîstan roja bîyayîşî ya 71. ya Rayberê Şarê Kurdî Abdullah Ocalanî şaristanê Maonchengladbechî yê Almanya de fîraz kerd û pankarta bi nuşteyê ''Free Ocalanî'' bînayêke de daliqnaye. Ciwanan bale ante tecrîdê Ocalanî ser.

Stuttgart

Stuttgart de zî ciwanan Konsolosxaneyê Tirkî ser o pê adirî 'APO' nuşt. Ciwanan fîşekî vistî ta û pankarta bi nuşteyê ''Biciwîyo Serek Apo'' pirdêk ser o daliqnaye. Ciwanan rengê kesk û sûr û zerdî eştî bînaya Partîya Demokrate ya Xirîstîyanan (CDU) û polîtîkaya aye ya dişmenîya kurdan şermezar kerde. Ciwanan şaristan de zaf dêsan sor o nuşteyî nuştî.

Oldenburg

Ciwananê enternasyonalîstan parkêke de rojbîyayîşê Ocalanî fîraz kerd, parke de adirî ra estareyêk û resimê Ocalanî viraştî û serê ci de ''biciwîyo'' nuşt. Ciwanan alaya KCKyî, posterê Ocalanî û ê hîrê cinîyanê kurdan ê şorişgêran ê ke Paris de qetil bîyî berz kerdî. Ciwanan mesajê paştdayîşê seba kurdan dayî.