Şaristananê Marignane û Marsilya yê Fransa de ciwananê kurdan vera îşxalî û semedê azadkerdişê Rayberê Şarê Kurdî Abdullah Ocalanî çalakîyî kerdî.

Marsilya de aktîvîstanê TCŞyî çarçewa Hemleya 'Werin Cenga Azadîyê' de semedê azadîya Ocalanî çalakîya bêîteatîya sivîle kerde. Ciwanan trenan de flamayê fotografanê Rayberê Şarê Kurdî, alayê PKKyî û pankarta bi nuşteyê 'Free Ocalan' daliqnayî. Ciwanan eşkerayîya xo de vat ke heta ke Ocalan azad bibo ê do çalakîyanê xo rê dewam bikerê.

Marignane de Aktîvîstanê Têgêrayîşê Ciwanan ê Şorişgêran (TCŞ) çarçewa Hemleya 'Werin Cenga Azadîyê' de çalakîyêke kerde. Ciwanan hêrişê îşxalî yê dewleta tirke protesto kerdî û azadîya Rayberê Şarê Kurdî Abdullah Ocalanî waşte. Ciwanan îfade kerd ke ê do çalakîyanê xo bi qerardarî dewam bikerê. Çalakîye pê sloganê 'Biciwîyo Serek Apo' qedîyaye.