Bajarê Den Haagî yê Hollanda de verê Rêxistina Qedexekerdişê Çekan ê Kîmyewîyan (OPCW) bi çalakîyêke hêrişê kîmyewîyî yê dewleta tirke ameybî protestokerdene. Polîsan hêrişê ciwanan kerdbi û 55 kesî destbênd kerdbî. Bajarê Strasbourg û Marsilya yê Fransa û bajarê Hannoverî yê Almanya de hêrişê çekanê kîmyewîyan û destbendkerdişê ciwanan ameyî protestokerdene.

Strasbourg de ciwanan bi çalakîyêka bêîteatîya sîvîle hêrişê polîsanê Hollanda protesto kerd û bale ante şuxulnayîşê çekanê kîmyewîyan ê dewleta tirke ser. Ciwanan veng da ke wa vera hêrişanê dewleta tirke bêro vejîyayene û waşt wa 55 ciwanî bêrê veradayene.

Marsilya de zî ciwanan Konsolosxaneyê Hollanda de çalakîya bêîteatîya sîvîle kerde. Ciwanan eşt konsolosxaneyî ser û waşt wa embazê înan bêrê veradayene.

Hannover de zî bi çalakîyêke hêrişê pê çekanê kîmyewîyan ê dewleta tirke, bêvenîya Ewropa û hêrişê polîsanê Hollanda ameyî protestokerdene.