Paris

Ciwanan çarçewa Hemleya Werin Cenga Azadiyê de rayraşîyayîşêkê bi meşaleyan kerd. Çalakîye de pankarta bi nuşteyê 'Qesas' ameye akerdene û sloganê sey 'Ocalanî rê azadîye', 'Kiştox Erdogan', 'Bimiro îxanet' ameyî vatene. Dima eşkerayîya TCŞyî ameye wendene.

Marsilya

Ciwanan şaristanê Marsilya yê Fransa de pê çalakîyêke hêriş protesto kerd. Çalakîye de posterê Rayberê Şarê Kurdî Abdullah Ocalanî ameyî akerdene û broşurî ameyî vilakerdene.

Draguignan

Ciwanan çarçewa Hemleya Werin Cenga Azadiyê de rayraşîyayîşêkê bi meşaleyan kerd. Dima rayraşîyayîş vurîya nawnayîşêk. Nawnayîş de Merkezê Komelê Demokratîkî yê Kurdan ser o qiseykerdiş ame kerdene. Çalakîye pê sloganan qedîyaye.

Stuttgart

Şaristanê Stuttgartî yê Almanya de hêrişê PDKyî yê vera gerîlayan, hêrişê dewleta tirke yê vera Şingal û Mexmûrî şermezar kerdî. Çalakîye de azadîya Abdullah Ocalanî ameye waştene.