Aktîvîstanê TCŞ û TÊKO-JIN bajarê Cenevre yê Swîre  û paytextê Almanya Berlin de semedê azadîya Rayberê Şarê Kurdî Abdullah Ocalanî tay çalakîyî kerdî. 

Cenevre de aktîvîstanê Têgêrayîşê Ciwanan ê Şorişgêran (TCŞ) û Cinîyan ê Ciwanan ê Têkoşeran (TÊKO-JIN) çarçewa Hemleya 'Werin Cenga Azadîyê' de bi çalakîya rayraşîyayîşî tecrîdê Îmraliyî şermezar kerd û azadîya Abdullah Ocalanî waşte. Ciwanan çalakîye de sloganê sey 'Ocalanî rê azadîye' vatî û venga pêro ciwanan da ke semedê azadîya Ocalanî xo ver bidê.

Berlin de zî aktîvîstanê TÊKO-JIN çalakîya bêîtaetîya sivîle kerde. Ciwanan  çarçewa Hemleya 'Werin Cenga Azadîyê' de meydanê Pankstrasse de trafîk qefilna û pankarta bi nuşteyê 'Abdullah Ocalanî rê Azadîye' akerde. Ciwanan dima fîşekê hewayî zî teqnayî. Ciwanan da zanayene ke ê do semedê azadîya Rayberê Şarê Kurdî çalakîyanê pîlan bikerê.