Ciwanan verê UNHCRyî de seba Mexmûrî çalakîye kerde
Kantonanê Bern û Cenevre yê Swîsre de çalakîkeranê Têgêrayîşê Ciwanan ê Şorişgêran û Cinîyan ê Azadan seba protestokerdişê hêrişanê vera Mexmûrî verê bînaya UNHCRyî de çalakîye kerde.
Çalakîkeranê Têgêrayîşê Ciwanan ê Şorişgêran û Cinîyan ê Azadan 15ê nîsane de verê buroyê Komîserîya Berze ya Multecîyan a Neteweyanê Yewbîyayeyan (UNHCR) de çalakîye kerde. Ciwanan pê pankartêke NY protesto kerd û pankarta bi nuşteyê ''Tirkîya kampa multecîyan a Neteweyanê Yewbîyayeyan daye bombayan ver.''
Bern de zî bi îngîlîzkî pankarta ''Mexmûr bipawe'' ameye daliqnayene. Zaf cayan de afîşê fotografanê Rayberê Şarê Kurdî abdullah Ocalanî û vatişê ey ameyî daliqnayene.
