Şaristananê Ewropa de aktîvîstanê TCŞ û TÊKO-JIN vera tecrîdkerdişê Rayberê Şarê Kurdî Abdullah Ocalanî çalakîyî kerdî û azadîya ey waşte.

Paytextê Îngilîstanî London dde ciwanan çalakîya rayraşîyayîşî kerde. Çalakîye de pankarta 'Ocalanî rê Azadîye', forografê Rayberê Şarê Kurdî ameyî kiriştene. Ciwanan dima vilawekî vila kerdî û venga pêro ciwanan da ke seba azadîya Ocalanî meydanan de bibê. 

Şaristanê Strasbourgî yê Fransa de ciwanan bi çalakîya protestoyî tecrîdê Îmraliyî û sereştişê polîsan ê vera Merkezê Komelê Demokratîkî yê Kurdan şermezar kerd.  Ciwanan şan zî çalakîya rayraşîyayîşî kerde û waşt ke Fransa polîtîkaya dişmenîye ya vera kurdan ra fek vera bida.

Şaristanê Parisî yê Fransa de  bi çalakîya protestoyî tecrîdê Îmraliyî û sereştişê polîsan ê vera Merkezê Komelê Demokratîkî yê Kurdan ameyî şermezarkerdene. Ciwanan dima trenê îstasyonî de zî çalakîye kerde.