Serekê Pêroyî yê Partîya Karker a Îngilistanî û lîderê mûxalefetê bingeyênî Jeremy Corbynî waşt ke Tirkîya îşxalkarîya xo ya serê Rojawanî biqedne û veng da Neteweyê Yewbîyayeyî (NY) ke verba îşxalkarîye tê bigêro.
Sereko Pêroyî yê Partîya Karker a Îngilistanî Jeremy Corbynî bi hewayêkê pîtî verba îşxalkarîya Tirkî ya serê Rojawanî bîyo ra.
Corbynî hêrişê îşxalî yê dewleta Tirkî vist vîrî û va: "Aya ke rayîr da na îşxalakrîye, DYA ya. Ganî hêzê xeribî pêro sûrîye ra abigêrê, labelê wexto ke no ame kerdene, ganî heqê Kurdan bêro pawitene.Şerê Dinya yo Yewînî ra nata Kurdî Tirkîya, Îran, Sûrîye û Iraq de benê hedef û heqê weçînayîşê qeder ê xo zî tede ganî pêroyê heqê Kurdan bêrê nas kerdene. Corbynî wina dewam kerd: "Ganî Tirkîya na îşxalkarîya xo ya tersnaye ra fek vera bida. Seba naye zî ganî asta Neteweyê Yewbîyayeyî de her hewcedarîye bêra kerdene. Ganî no tawirê îşxalkarîye biqede û Tirkîya pêroyê hêzanê xo tepîya biancê."
