Xeylê bajaranê Vakurkê Kurdîstanî de Bi wesîleya 8ê Adare  Roja Cinîyan ê Kedkaran a Dinya cinîyan mesajê dewamkerdişê têkoşînî da. Çalakîyan de bale ameye antene vengdayîşê ‘Haştîye û Komelê Demokratîkî’ ser.

Dêrsim

Serkêşîya Platformê Cinîyan ê Dêrsimî de cinîyan heta Meydanê Seyîd Rizayî rayraşîyayîş kerd û tîya de mîtîng kerd. Cinîyan vera qeyûman nêrazîbîyayîşê xo mojna û govende girewte. Hemşaredara Dêrsimî Bîrsene Orhan û Wekîla Dêrsimî Aytene Kordu mîtîng de qisey kerd.

Çewlîg

Cinîyan heta Çatrayîrê PTTyî rayraşîyayîş kerd û sloganê ‘Jin, Jiyan, Azadî vatî.’ Endama Platformê Cinîyan ê Çewlîgî Ceyhane Bariş Ogur çalakîye de qisey kerd û venga pêro cinîyan da ke têkoşînê azadîye û kede pîlêr bikerê.

Xarpêt

Qezaya Depe de salonêka dawetî de şayîya 8ê Adare ameye kerdene. Hemşaredara Depe Songule Duzgun şayîye de qisey kerd. Hunermendî Derya Cengîz û Peyv Quartet zî vejîyayî sehne ser.

Colemêrg

Serkêşîya TJA de şayîyêke ameye viraştene. Koma Aryenî şayîye de vejîyaye sehne ser. Wekîla Dem Partî Oznure Bartin, Hemşaredara Wanî Neslîhane Şedal şayîye de qisey kerd û mesajê Rayber Apoyî yê seba cinîyan wend.

Wan

Serkêşîya KESKî de bi beşdarîya TJA, DEM Partî û DBPyî şayîyêke ameye kerdene. Şayîye bi sloganê Jin, Jiyan, Azadî qedîyaye.

Riha

Parka Novada de rayraşîyayîş ame kerdene.

Sêrt

Cinîyan sloganî vatî, kinvê neteweyîyî dayî xo ra û mesajê Rayber Apoyî wendî. Şayîye de dengbêje Halîde vejîyaye sehne ser.

Dîlok, Mersîn, Agirî, Îdir, Konya, Hatay, Meletî, Semsûr û Anqara de zî serkêşîya TJA, DBP û DEM Partî de cinîyî vejîyayî waran û nînan 8ê Adare fîraz kerd.