Den Haag de qedexeyê vera PKKyî hetê rêxistinanê ciwananê kurdan ra ame protestokerdene. Grazê Avusturya de zî serrgêra ronîyayîşê PKKyî ameye fîrazkerdene.

Şaristanê Den Haagî yê Hollanda de serkêşîya TCŞ û TÊKO-JIN de bi rayraşîyayîşêkî qedexeyê vera PKKyî ame protestokerdene. Çalakîye de sloganê sey “Bijî Serok Apo”, “PKK gel e, gel li vire“ û “Bê Serok jiyan nabe” ameyî vatene. Dima ciwanan verê Sersefîrîya Almanya de eşkerayîye daye.

Hetê bînî ra şaristanê Grazî yê Avusturya de  zî serrgêra 45. ya ronîyayîşê PKKyî bi şayîyêke ameye fîrazkerdene. Kurdîstanijî û dostê înan tewrê şayîye bîyî. Warê şayîye bi alaya PKKyî xemilîya. Şayîye de Ey Reqîb ame vatene û govende ameye girewtene. Şayîye de hunermendî Merale Alkan û Seyda Perînçek vejîyayî sehne ser.