Xeylêk şaristananê Swîsre de derheqê şuxilnayîşê gazan ê jehrînan ê dewleta tirke de kurdan partîyê sîyasî, sazgeh û dezgehê medya zîyaret kerdî.

Solothurn de Komunê Cinîyan ê Pinare û endamê Merkezê Komelê Kurdan Radyo 32, Rojnameyê Slothorne Zeitung, Partîya Keskan û Sendîkaya Unia zîyaret kerdî. 

Zurih de  Komunê Cinîyan ê Bêrîtanne û Merkezê Komelê Kurdan partîyê sîyasî û rêxistinî zîyaret kerdî. Heyetî serekanê Linke Zeitung û Grune Zurichî reyde pêvînayîşî kerdî. Rojanê verê ma de rojname do derheqê zîyaretê heyetî de xeberêke bikero.

Basel de Meclîsê Cinîyan ê Ronahî derheqê şuxilnayîşê çeka kîmyewîye de tay afîşî pêşkêş kerdî. Heyetî Şaredarîya Baselî, Tele Basel Tvu, Radyo Basîlînke, Partîya Bast, Partîya Sosyalîst Sendîkaya Vpod zîyaret kerdî. Selahîyetdaran ard ziwan ke ê do babete teqîb bikerê.

Bellinzon de Koma Dostanê Kurdan dosyaya serê şuxilîyayîşê çeka kîmyewîye teslîmê partîyanê sîyasîyan kerde. Rayberîya Têgêrayîşê Swîsre yê Kurdan (YJK-S) de temasî do dewam bikerê.