Dibistana Merryhillsî ya Londonî de bi armancê daşinasnayîşê kurdan bi nameyê 'Hewteyê Newroze' aktîvîteyêke ameye kerdene. Dibistane de domanan Newroze fîraz kerde.

Aktîvîte de nameyê Meclîsê Şarê Kurdî ser o Hemsereke Elîfe Sarican qisey kerd. Saricane domananê 5-7 serreyan rê qala tarîxê Newroze kerde. Dima deyîra Newroze ya Awazên Çiya ameye mojnayene.

Domanan deyîran reyde dans kerd, derheqê Newroze de sînevîzyonêk seyr kerd.

Çarçewa aktîvîte de pêramotişêko qij ê resiman ame mojnayene. Dibistane de pêro hewte derheqê Newroze û kurdan de aktîvîteyî do bêrê kerdene.

Îdareyê dibistane dîyar kerd ke her Newroze de ê do aktîvîteyan bikerê û venga Merkezê Komelê Kurdan bidê.