Semedo ke bale biancê hêrişanê kîmyewîyan ê dewleta tirke Federasyonê FED-MEDî NRW û YJK-E NRW verê Parlamentoyê NRWyî yê Dusseldorfî de xeyme akerde. Çalakîye do 5 rojan dewam bikera.

Roja destpêke ya çalakîye de pankart û forografê gerîlayanê ke pê çeka kîmyewîye şehîd bîyî ameyî daliqnayene û eşkerayîyêke ameye dayene.

Hemserekê KON-MEDî Engîn Severî verî qisey kerd û  vist vîrî ke dewleta tirke 23ê nîsane ra nata pê çeka kîmyewîye hêrişanê gerîlayan kena û venga dezgehanê mîyanneteweyîyan da ke bêvengîye ra fek vera bidê, verê nê hêrişan bigêrê.

Aktîvîsta YJK-E îfade kerd ke Herêmanê Pawitişî yê Medya de xoverdayîşêko bêhempa esto.

Temsîlkarêkê Têgêrayîşê Ciwanan ê Şorişgêran vat: ''Vera îşxalkeran cewabo tewr pîl pê pawitişê Kurdîstanî beno.

Çalakîye ewro mabênê saete 13:00-17.00 de do dewam bikera.