Nobeta Azadîye ke 10 serrî yo Strasbourg de semedê azadîya Rayberê Şarê Kurdî Abdullah Ocalanî yena kerdene hewteyê 486. de ya. 

No hewtê endamanê Komelê Îslamî yê Kurdîstanî Mele Salih, Mele Kasim, Rojhat Adar, Hifzi Torî nobete dewr girewte.

Mele Salihî nameyê kome ser o qiseu kerd û vist vîrî ke ê hê serrgêra ê teşrîna verêne de yê û ard ziwan ke hêzsnê mîyanneteweyan pê rayîrê komployî waştêne têkoşînê azadîye yê şarê kurdî tasfîye bikerê.

Mele Salihî vat:''Rewşa nikayêne de pê xoverdayîşê Abdullah Ocalanî nê planî  pûç kerdî. Pê xoverdayîşê ey şarê kurdî do bi xurtî têkoşîn bikero. Têkoşînê Azadîye yê Kurdîstanî do pîlêr bibo. ''

Mele Salihî bale ante vateyê 'Meseleya kurdan çin a' yê Erdoganî ser û vat: ''Madem meseleyêka winasêne çin a nê ters û qesawetî çira yê? Dewleta tirke semedê têkoşînê vera kurdan tawîz dana Amerîka û Rûsya. Meseleya kurdan do qesra îna birijna. Mesele têna pê têkoşînê rêxistibîyayîşê kurdan çareser bena.''