Progressive International (Enternasyonelo Averwaz) bi eşkerayîyêke vera hêrişanê îşxalî yê delweta tirke yê serê Kurdîstanî nêrazîbîyayîşê xo mojna.

Enternasyonelê Averwazî eşkerayîya xo de îfade kerd ke Erdogan pêro cepheyan de şerê vera kurdan giranêr keno, HDPyî ser o tedayan keno, pê hêrişan Iraqî hedef keno, Sûrîye rê gefê îşxalî waneno û vera Ewropa zî tedayan keno. Eşkerayîye de ame vîrvistene ke Tirkîya muracatê endamîya NATOyî yê Swêdî û Fînlandîya sey şanrajî şuxiknena û ganî vera Tirkîya ambargo bêro ronayene.

Eşkerayîye de bale ameye antene ser ke îqtîdarê Erdoganî 18ê nîsane ra nata hêrişê vera kurdan zêdînayî û armanc keno ke serrgêra 10. ya Şorişê Rojawanî de şorişî bixeniqno û newe ra hêrişê Rojawanî bikero.

Enternasyonelê Averwazî vat: ''Vera hêrişanê îşxalî ma hetê kurdan de yê û sey nîşaneyêka ney ma heyetêkê haştîye şawit Hewlêrî. Ma seba haştîyêka mende xîret kenê ke makîneya şerî parçe bikerê û herinda makînaya şerî de dîplomasîya şaran bîyarê ca.''