Fransa, Swîsre, Swêd, Hollanda, Fînladîya û Danîmarka û xeylî welatanê bînan  ê Ewropa de hêrişê vera HDP’yî  ameyî protestokerdene.

Fransa: Paytaxtê Fransa Parîs û bajaranê Lorîent, Marslîya, Rennes, Bordeaux, Montpellîer û Strasbourgî de bi çalakîyan hêrişê AKP’yî yê vera Kurdan ameyî protestokerdene û mesajê paştdayîşê HDP’yî ameyî dayene.

Parîs

Lorîent

Rennes

Strasbourg

Toulouse

Marsîlya

Awusturya: Paytexta Awustuya Vîyana û bajarê Grazî de zî Kurdistanijî û dostî vejîyayî kuçeyan û derbeya sîyasîye ya vera Kurdan protesto kerd. Ame vatene ke şarê Kurdî do çi rey vera qeyûman milê xo çewt nêkero û mucadeleyî xurt bikero.

Swîsre: Swîsre de zî hewt bajaran de çalakîyê protestokerdişê AKP’yî ameyî viraştene. bajaranê Bern, Basel, Cenevre, Luzern, Zurîh, St Gallen û Lozanî de bi çalakîyan  hêrişê dewleta Tirkî yê Kurdan û bêvengîya Ewropa ameyî protestokerdene.

Luzern

Swêd: Paytext Stockholm û bajarê Helsingborgî yê Swêdî de zî bi çalakîyan polîtîya hêrişkare ya dewleta Tirkî ameye protestokerdene û semedê paştdayîşê HDP’yî mesejê xurtkerdişê mucadeleyî ameye dayene.

Stockholm

Den Haag: Bajarê Den Haagî yê Holanda de zî zî Kurdistanijî û dostê înan vejîyayî meydanan û hêrişê îqtîdarê faşîstî yê vera îradeyê Kurdan protesto kerd.

Fînlandîya: Paytextê Fînlandîya Helsînkî de zî Hildeshemî de zî semedê paştdayîşê HDP’yî çalakîyêk ameye viraştene. Çalakgeran hêrişê îqtîdarê faşîstî yê vera şaredarîyanê Kurdan protesto kerd.

Danîmarka: Paytexê Danîmarka Kopenhag de zî bi çalakîyêka bêîtaatîye ya sivîle xespkerdişê şaredarîyan ame protestokerdene.