Ewropa de Kurdistanijî û dostanê înan seba ke bale biance çalakîyanê grevê vêşanîye yê ke seba wedartişê tecrîdê serê Rayberê  Şarê Kurdî Abdullah Ocalanî yenî viraştene ser, xeylî sazî û  rêxistinî zîyaret kerdî.

MARSÎLYA

Bajarê Marsîlya yê Fransa de heyetêk selahîyetdaranê îqtîdarî de pêdîyayîş viraştî û derheqê tecrîd û grevê vêşanîye de zanayîş da.

PARÎS

Paytextê Fransa Parîs de zî  Rêxistina Efî  ya Mîyanneteweyîye û  Ajansa Xeberan a Fransa (AFP)  rê derheqê tecrîdê serê Ocalanî û grevê vêşanîye de dosyayî ameyî teqdîmkerdene.

BERLÎN

Paytextê Almanya Berlîn de  televîzyonê ZDFî ame zîyaretkerdene û derheqê xoverdayîşê grevê vêşanîye de dosyayêk ameye dayene.

Hete bînî ra raberîya cinîyan ciwanan de saetanê şenî de çalakîyêk ameye viraştene.

BREMEN

Bajarê Bremenî yê Almanya de zî bi selahîyetdaranê Parlamentoya Eyaletî dir pêdîyayîş ame viraştene. Pêdîyayîşo ke xeylî Kurdistanijî tewrê ci bîyî, açarya mitîngî.

MANNHEIM

Bajarê Mannheim de zî cinîyan ê Meclîsê Cinîyan ê Ronahî Berîvanî  televîzyonê ZDFî zîyaret kerd, dosya teqdîm kerde û roportaj viraşt.

HAMBURG

Hamburg de zî çalakîyê Kurdistanijan dewam kenî. Kurdistanijê ke Hamburg û Winsen- Luhe de yê şîyê merkezê komara Der Spiegelî derheqê grevêvanê vêşanîye de dosyayêk teqdîm kerde.

AACHEN

Aachen de zî rayberîya Meclîsê Cinîyan ê Denîz Fratî de çalakîyêk ameye viraştene û grevê vêşanîye ke rayberîya Leyla Guvene de ameyî destpêkerdene ameyî silamkerndene.

DUSSELDORF

Dusseldorf de zî seba wedartişê tecrîdî û paştîdayîşê grevê vêşanîye çalakîya bêîtaatîye ya sivîlî ameye viraştene.

STUTTGART

Stuttgart de zî Kurdistanijan Meclîsê bajarî û televîzyonê SWRî  zîyaret kerdî dosyayî teqdîm kerdî.

NURNBERG

Bajarê Nurnbergî de zî bi heman waştişî rojnameyê Nachrichten ame zîyaretkerdene.

FRANKFURT

Frankfut de zî Kurdistanijan ofîsê Hessen RTLyî zîyaret kerd û bala ante grevê vêşanîye ser. Çalakwanan bêvêngîya çapemenîya Almanan şermezar kerde û waşt ke wa raştîyan bivînî û bidi eşnawitişî.

KOPENHAG

Paytaxtê Danîmarka Kopenhag de zî  bi sloganê waştişê Leyla Guvene waştişê ma yo şûbeyê CPTyî yê Danîmarka  dir pêdîyayîşêk ame kerdene.

LOZAN

Bajarê Lozanî yê Swîsre de zî Kurdistanijan bi çalakîya bêîtaaîye ya sivîlî bale ante tecrîdê Îmrali û grevê vêşnîye yê bêdem-bêagêrayîşî ser.

BASEL

Bajarê Baselî de zî sereka meclîsê kantonê Baselî Elîsabeth Akkermane de dir pêdîyayîşêk ame viraştene.

CENEVRE

Cenevre de zî bi heman waştişî  heyetêk Doktorê ke Sinor Nasnêkenî, parlamenterê partîyanê hozan û sosyalîstan  dir pêdîyayîşî ameyî viraştene û kanalanê televîzyonan rê dosyayî ameyî teqdîmkerdene.

OSLO

Paytextê Norveçî Oslo de zî Kurdistanijan û dostanê înan  dewkewtişê parlamentoya Norveçî de çalakîya bêîtaatîye ya sivîlî viraşte.