Nêweşîya janê Korona çend şino vila bena. Goreyê doneyanê peyênan hûmara kesanê ke Ewropa de rîyê Korona ra cuya xo vînî kerde bîye 15 hezar û 500. Hûmara nêweşan zî bîye 268 hezar û 191.Zafê înan Îtalya û Îspanya de qewimîyayî.

Goreyê Pawitişê Sivîlî yê Îtalya 24 saetanê peyênan de 662 kesan dinyaya xo bedilnaye û welat de pêro pîya hûmara merdeyan bîyî 8 hezar û 165. Rixmê karantînaya pîte  24 saetanê peyênna de 5 hezar kesê bînî bi janê Korona kewtî û hûmara nêweşan 62 hezarî ra vîyarte. Badê Îtalya ya ke Korona dinya de tewr zaf aye ser tesîr kerd rêza diyêne de Îspanya esta. Janê Covid-19î Îspanya de bi sebebê mergê 4 hezar û 89 kesan.  24 saetanê peyênan de 655 kesanê bînan jan girewt û hûmara nêwaşan bîye 56 hezar û 188.  Ame vatene kesê ke merdî ser ra 87 înan 70 serre yê û mergê tewr zaf Madrid de qewimîyayî. Rêza hîrêne de zî bi 1.331 merdayan Fransa esta. Amerîka ke yeno qesawetkerdene ke biba merkezo newe yê Korona hûmara merdayan hezarî  ra vîyarte û 70 hezar nêweşî estî. Eke wina dewam bikero beno ke hûmara merde û nêweşan Çînî ra zafêr be.