Ewropa de çalakîyê ke bi rojan o semedê wedartişê tecrîdê serê Rayberê Şarê Kurdî Abdullah Ocalanî û baleantişê çalakîya Leyla Guvene ya ke rewşa weşîya ci krîtîk o,  yenî viraştene vizêr zî dewam kerd. Çalakîyan de mesajê waştişê Leyla Guvene waştişê ma yê ame dayene.

FREIBURG

Bajarê Freiburgî yê Almanya de rayberîya PYDyî û Meclîsê Kurdan ê Freiburg û Lahrî de çalakîyêk ameye organîzekerdene. Çalakwanan grevê vêşanîye ya Guvene silam kerd û mesajê xurtkerdişê mucadeleyî dayî.

NURNBERG

Bajarê Nurnbergî de zî bi heman waştişî Kurdistanîjî û dostê înan meydanan de bî. Çalakwanan bale ante xoverdayîşê Guvene ser û azadîya Ocalanî waşte.

KASSEL

Kassel de zî semedê paştîdayîşê grevê vêşanîye standê melumatdayîşî ame akerdene. Çalakwanan waşt ke tecrîd bêro wedartene û çalakwanê grevê vêşanîye ameyî silamkerdene.

HAMBURG

Bajarê Hamburgî de zî rayberîya Ciwananê Şorişgêrî de çalakîyêk ameye viraştene. Rayraşîyayîşêk ra dima mîtîngêk ame viraştene û derheqê tecrîdî û grevanê vêşanîye de ame qiseykerdene.

GIESSEN

Bajarê Giessen de zî çalakwanan bale ante xoverdayîşê Guvene ser û azadîya Ocalanî waşte.

MUNÎH

Munîh de zî Kurdistanijî û dostê înan semedê paştîdayîşê grevê vêşanîye meydanan de bî. Çalakwanan bêvêngîya Ewropa şermezar kerde.

LEIPZIG

Bajarê Leipzigî yê Almanya de zî bi çalakîyêk ame waştene ke wa waştişê Guvene bêrî bicaardene.

STUTTGART

Stuttgart de zî bi hezaran kesî vejîyayî kuçeyan, vera tecrîdî hêrsê xo ard ziwan, Guvene silam kerde û bêvengîya Almanya ptotesto kerde.

KOLN

Koln de zî rayberîya  Têgêrayîşê Ciwanan ê Şorişgêrî de çalakîyêk ameye viraştene.  Çalakwanan tecrîd protesto kerd û paştî da grevê vêşanîye

BREMEN

Bremen de zî Kurdistanijî û dostanê înan çalakî viraşte û grevê vêşanîye rê wayîr vejîyayî.

ESSEN

Essen de zî sey xeylî bajaranê bînan ê Almanya Kurdistanijî bi şîarê ‘Waştişê Guvene waştişê ma yê‘ polîtîkaya hêrişkare ya Tirkîya û bêvangîya Ewropa şermezar kerdî.

DEN HAAG

Bajarê Den Haagî yê Hollanda de zî  semedê baleantişê rewşa Guvene û  bi wesîleya serrgêra îşxalê Efrînî çalakîyêk ameye viraştene.

TORÎNO

Bajarê Torîno yê Îtalya de bi tewrbîyayîşê rêxistinanê şorişgêran ê çep û sosyalîstan ê Îtalya çalakîyêk ameye organîzekerdene. Çalakwanan tecrîdo girankerde ke serê Ocalanî de yeno bicaardene protesto kerd û çalakîya Guvene silam kerde.

TORONTO

Bajarê Toronto yê Kanada de zî Kurdistanijî semedê baleantişê rewşa weşîya Guvene, kanalê CBC Newsî de çalakîya bêîtaatîye viraşte. Çalakwanan îdarekaranê TVyî de qisey kerd û derheqê tecrîd û grevanê vêşanîye de dosyayêk teslîm kerde.

RENNES

Bajarê Rennesî yê Fransa de zî bi çalakîyêk tecrîd û bêvêngîya Ewropa ameyî şermezarkerdene û çalakwanê

LOZAN

Bajarê Lozanî yê Swîsre de zî bi rayraşîyayîşêk grevê vêşanîye ameyî silamkerdene.

ZURÎH

Zurîh de zî Kurdistanijî û dostê înan semedê paştîdayîşê grevê vêşanîye meydanan de bî. Çalakwanan bêvêngîya Ewropa şermezar kerde.

GRAZ

Bajarê Grazî yê Awusturya de zî bi hemen waştişî rayberîya Merkezê Komelê Kurdan ê Demokratîke de mîtîngêk ame viraştene.

Reyna Londra, Kopenhag û xeylî cayan bînan de zî bi çalakîyan tecîd ame portestokerdene û Guvene ameye silamkerdene.