Şaristanê Bordeauxî yê Fransa û şaristanê Brukselî yê Belçîka de pê aktîvîteyanê cîya-cîyayan şehîdî ameyî yadkerdene.

Bordeaux de ciwananê TCŞ û TÊKO-JIN Merkezê Komelê Demokratîkî yê Kurdan de gerîlaya YJA Starî Ardiş Poyraz yad kerd. Qiseykerdişan de ame vatene ke ganî şarê kurdî dormeyê şehîdan de bêro pêser. Merasîm pê sloganê 'Şehîdî nêmirenî' qedîya.

Bruksel de gerîlayê HPGyî Erhan Şahîn (Têkoşer zagros) ame yadkerdene ke hêrişanê kîmyewîyan ê dewleta tirke de şehîd bibi. Keyeyê Şahînî û Endamê Konseya Rayberdişî ya KCKyî Zubeyîr Aydarî merasîm de qisey kerd û înan hêrişê kîmyewî yê dewleta tirke şermezar kerdî. Aydarî venga warê mîyanneteweyî da ke vera ney bêveng nêmano.