21ê sibata 2024î de Komeleya Bratî ya Merkezê Komelê Demokratîkî yê Kurdan ê Bremenî bi guleyê 'SS'î û xaçê nazîyan amebî tehdîtkerdene. Derheqê babete de vizêr komele de eşkerayîya çapemenîye ameye dayene. Hemsereka KON-MEDî Rûkene Akça, Hemsereka FED-DEMî Sebahate Ergîn, Hemsereka Merkezê Komelê Bremenî Xezale Yalçin, Hetkarê Serekê Meclîsê Eyaletê Bremenî Cindî Tuncel, Wekîlê Die Linke Muhlîs Kocaaga û xeylêk almanî tewrê eşkerayîye bîyî.

Eşkerayîye de Hemsereka FED-DEMî Sebahate Ergîn qisey kerd û da zanayene ke Almanya de qasê hîrê mîlyon kurdî ciwîyenê la dewleta almanan asayîşê kurdan nêana ca. 

Xelale Yalçin îfade kerd ke rojnameyê almanan tewrê eşkerayîye nêbîyê û çapemenîya hêrişanê nîjadperestan çin hesibnena.

Rûkene Akça ard ziwan ke kurdî tedayanê dewleta tirke ke Almanya de cabîyê û aramî û haştîye wazenê.

Cindî Tuncelî dîyar kerd ke ganî teyna kurdî ney pêro şarê Almanya vera hêrişê faşîstî û nîjadperestîye têbigêrê.

Wekîl Muhlîs Kocaagayî vist vîrî ke 2012 de hêverî vera Ofîsê Enformasyonî yê Kurdîstanî yê PArisî hêriş amebi kerdene û dima zî uca de qirkerdişêk amebi kerdene.

Eşkerayîye bi slogananê sey “Hoch die İnternationale Solidaritat” û “Jin, Jiyan, Azadî” qedîyaye.