Grevê vêşanîye yê bêdem-bêagêrayîşî yê Strasbourgî yo ke bi waştişê wedartişê tecrîdê serê Ocalanî, 17ê Kanûne de dest pêkerd, roja xo ya 23ine de yo.

Çalakwanî saetanê serê sibayî de ercnayîşêkê kilmî ra dima hetê Dr. Fahrettîn Gulşenî ra yenî kontrolkerdene û bado zî zîyaretkarê ke her hetê Ewropa ra yenî, eleqedarê înan benî. Ewro bajaranê Aachen û Durenî yê Almanya ra grûbêka xurte çalakwanî zîyaret kerdî.

Bi nameyê grûbe  zîyaretkarêk bale ante muhîmîya çalakîye ser û vat ke ê zî do bi çalakîyan paştî bidê çalakwanan. Reyna kampanyaya îmzayan a ke seba azadîya Ocalanî yena domnayene,  ameyî vîr ardene û ame waştene ke wa her kes bi îmzayêk paştî bido çalakwananê grevê vêşanîye.

Bi nameyê çalakwanan Yuksel Koçî zî vat ke meseleyê Kurdistan û Rojakewtena mîyanêne tena bi Rayberê Şarê Kurdî Abdullah Ocalanî yenî çareserkerdene û waşt ke Ewropa de çalakîyî bêrî xurtkerdene