Grevê vêşanîye yê Strasbourgî roja xo ya 28. de yo

Grevê vêşanîye yê hemverê tecrîdê girankerdeyî yê serê Rayberê Şarê Kurdî Abdullah Ocalanî yê Strasbourgî 27 rojî xo ra dima verdayî, tayê keyeyê çalakwanan seba paştîdayîşê çalakîye şîyî serdana çalakwanan.  

Grevê vêşanîye yo ke 17ê Kanûne de Merkezê Cimatê Kurdî yê Demokratîkî de bajarê Strasbourgî yê Fransa de amebi destpêkerdene 27 rojî xora dima verdayî. Roja 27ine seba virazîyayîşê rayraşîyayîşî yê pîlî yê hemverê Qirkerdişê Parîsî xeylî bêveng ravêrte. Tayê kesê dormeyî şaristanî ra û keyeyanê çalakwanan ra şîyî Strasbourg û paştî daye çalakwanan.

Saetanê sibayî de gama ke keyeyê Kerem Solhanî yo ke bajarê Draguignan ê Fransa ra ame serdane wextê bihîsî virazîyayî. Keyeyî heme çalakwanî silam kerdî û vat ke ancax bi xoverdayîş serkewtiş bêro destfînayene. Keyeyan waşt ke CPT tavilî bikewo têgêrayîşî mîyan û bale ante ke halê weşîya Leyla Guvene hendî resayo merheleyêka krîtîke.

KEYEYÊ CI RA ÇALAKÎYA YUKSEL KOÇÎ RÊ PAŞTÎDAYÎŞ

Keyeyê hemserekê Kongreya Cimatê Kurdî ya Demokratîke ya Ewropa (KCDK-E) Yuksel Koçî yo ke grevê vêşanîye de yo zî paştî daye çalakîya Strasbourgî.

Cinî û domanê Yuksel Koçî yê ke qisey kerd ard ziwan ke seba înan zehmet o la ê paştî danê çalakîye. Mîyanê zîyaretkerdoxan de lajê Yuksel Koçî Mazlum Koço ke endamê Meclîsê Şaredarîya Bremenî yê Partîya Çepe (Die Linke) ya Almanan û namzedê Parlamentoya Eyaletî yo û organîzasyonê Die Linke yê Bremenî ra Olîver-Jann Kornau zî estbî.

Vizêr seba ke bi wesîleya protestokerdişê qirkerdişê 9ê Çile Parîs de rayraşîyayîşêko pîl virazîya û Strasbourg ra zî tewrbîyayîşêko zaf virazîyabi. Naye ra zîyaretê seba grevê vêşanîye xeylî bibi kemî. Parlamentera HDPyî ya verêne Dîlek Ocalane û Mustafa Sarikaya zî tewrê rayraşîyayîşê Parîsî bîbî û mesajê xo de vatibi ke heta tecrîdê serê Ocalanî nêşikyo ê do çalakîye bidomnê.