Şaristanê Hamburgî yê Almanya de seba selamkerdişê Şorişê Rojawanî û wayîrvejîyayîşê xo şewa paştdayîşî ameye kerdene. Şewa paştdayîşî salona dawetî de ameye kerdene û xeylêk kurdîstanijî tewrê ci bîyî.

 Şewa paştdayîşî bi rêzgirewtişî dest pêkerde. Temsîlkara PYDyî Dara Ahmed şewe de vat: ''Wayîrvejîyayîşê şorişî erkê her kesî yo. Ma sey kurdan wazenê welatê xo îdare bikerê û sey merdiman biciwîyê. Ma nêverdenê çew welatê ma îşxal bikero.''

Temsîlkara QSDyî Newroze Ehmed mesajê bi vîdeoyî şawit şewa paştdayîşî û vat: ''''Êyê ke wazenê pê qirkerdişî ma biqedînê, do nêresê armancê xo. Ma do bi xoverdayîşê xo bibê layîqê embazanê xo yê şehîdan.''

Şewe de hunermendî Xemgîn Bîrhat, Koma Volkana Şoreşê, Ûmûr Botan, Şerîf Omerî û Koma Folklorî ya Koma Efrînî vejîyayî sehne ser. Şewa paştdayîşî bi sloganê ''Jin, Jiyan, Azadî'' qedîyaye.