9'ê Teşrîna Verêne wextê detpêkê hêrişanê îşxalkarîye yê dewleta Tirkî yê verba Vakur û Rojakewtena Sûrîye ra nata şaristanê Hannoverî ya Almanya de çalakîyî yenê viraştene.

Kurdistanijî dostanê xo reyde ewro zî vejîyayî meydanan û înan îşxalkarîya dewleta Tirkî ya verba Vakur û Rojakewtena Sûrîye şermezar kerde Çalakîyan de pankarta bi nuşteyê "pîya dinya bivurnê" û alayê YPG, YPJ û TEV-DEM, QSD'yî ameyî berzkerdene û xoverdayîşê Rojawanî rê paşt ame dayene. Vilaweka ke FED-DEM'î derheqê babete de amade kerde, çalakîye de ameye wendene û vilakerdene. Çalakgeran dimayê qiseykerdişan û eşkerayîye verê xo da merkezê şaristanî û dest pê rayraşîyayîşî kerd. Dimayê rayraşîyayîşî, mîtîng ame viraştene û îşxalkarîya dewleta Tirkî ameye şermezarkerdene.