Helsinki de hêrişê îşxalî yê dewleta tirke ameyî şermezarkerdene
Paytextê Fînlandîya Helsinki de kurdîstanijan verê Sersefîrîya Iraqî de hêrişê dewleta tirke ya îşxalkere protesto kerdî û îşxalê tirkan ser o dosyayêke daye Sersefîrîya Iraqî.
Serkêşîya Merkezê Komelê Demokratîkî yê Kurdan ê Fînlandîya de kurdîstanijan verê Sersefîrîya Iraqî de hêrişê dewleta tirke ya îşxalkere û bêvengîya dewleta Iraqî ya vera hêrişan protesto kerdî û îşxalê tirkan ser o dosyayêke daye Sersefîrîya Iraqî.
Çalakîkeran ra 3 kesî sey temsîlkaran sefîranê Iraqî de pêvînayîş kerd û dosyaya xo daye înan. Pêvînayîş de ame waştene ke wa Iraq vera hêrişanê dewleta tirke tewirê xo bimojno. Heyetê sersefîrîye soz da ke ê do waştişanê çalakîkeran biresnê hukmatê Iraqî.
