Paytextê Osloyî yê Norveçî, bajarê Stuttgartî yê Almanya û bajarê Solothurne yê Swîsre de vera dewleta tirke ya îşxalkere çalakîyê şermezarkerdişî ameyî kerdene.

Oslo de kurdîstanijî û dostê înan verê Konsolosxaneyê Tirkîya de ameyî têhet û hêrişê îşxalkî şermezar kerdî. Çalakîye de ame vatene ke dewleta tirke ya îşxalkere hêzê xo bêvengîya welatanê Ewropa ra gena.

Stuttgart de zî bi vendayîşê aktîvîstanê TekoJIN çarçewa  Hemleya “Werin Cenga Azadiyê” de çalakîyêke ameye kerdene. Çalakîye de mesajê paştdayîşê Şingalî ameyî dayene.

Solothurn de pê mîtîngêk hêrişê îşxalî ameyî şermezarkerdene. Çalakîye de veng dîya PDKyî ke wa vera kurdan xayînîye mekero.