Heyetê HDP'yî yo ke Hişyar Ozsoy, Feleknas Uca û Faîk Yagizay tede ca gênê, Sekretera Pêroyî ya Konseya Ewropa (KE) Marîja Pejcînovîc Burîce reyde pêvînayîş kerd.

Pêvînayîş de nê babetî ameyî behskerdene; rewşa şaredarîyan ê Kurdistanî ke qeyûm înan rê ame tayînkerdene, hemserekê HDP'yî yê tepişteyî, parlementerî û îdarekarê înan, çareserîya mesele ya Kurdî rolê Rayberê Şarê Kurdî Abdullah  Ocalanî kewt rojdemê înan. Heyetê HDP'yî bale ante tayê meseleyan ser zî; tehdîtê verba xo, meseleyê tepişteyanê sîyasîyanê ke Tirkîya de hûmara înan bi des hezaran ê, qerarê Mehkemeya Heqanê Merdiman ê Ewropa û tewirê Enqere û berpirsîyarîya Konseya Ewropa verba têgêrayîşanê bêhuqûqîyan ê Tirkîya.