Heyetê Mîyanneteweyîyî bi waştişê dîyayîşê Rayber Apoyî muracatê Wezîrîya Edaletî kerd. Dima înan verê Wezîrîya Edaletî ya Tirkîya de eşkerayîye daye çapemenîye. Wekîlê DEM Partî zî tewrê eşkerayîye bîyî.

Wekîla Îtîfaqê Çepa Keske ya Îtalya Francesca Ghirra eşkerayîya hempare wende û vat: ''Nê prosesî de azadîya Abdullah Ocalanî seba haştîye zaf girîng a. Îşxalê Til Rifetî û hêrişanê vera herêmanê kurdan ê Helebî ra dima tehluke est o ke nufusê kurdan çin bibo. Herêma Helebî 26ê teşrîna peyêne ra nata bîya merkezê hêrişan. Şorişê Rojawanî seba dîyarkerdişê qederê xo û xoverdayîşî tecrubeyêko girîng o.

Hêzanê kurdan têkoşînê vera DAÎŞî de û seba aramkerdişê herême tesîrêko dîyarker kerdo. La ewro modelê Rojawanî yo ke erjanê demokrasî û azadîye temsîl keno gefan de têrî yo. Coka ma veng danê ke seba vindarnayîşê şîdetî û vergirewtişê felaketî ganî çalakîyêka lezgîne bêra kerdene.

Rewşa şarê kurdî hem seba Tirkîya hem zî seba komelê mîyanneteweyîyî girîng a. Birêz Ocalanî prosesê çareserîye yê 2013-2015î de haştîye pêşkêş kerdbî. La o 25 serran ra nata Îmrali de binê tecrîdî de yo ke no tecrîd vera huqûqî yo. Rixmê biranê Mehkemeya Heqanê Merdiman a Ewropa (MHME) zî tecrîd dewam keno. Seba haştîye ganî Abdullah Ocalan azad bibo. Seba ney xîretê ma do dewam bikerê.''

Beşdarê eşkerayîye nê bîyî: Serokê Partiya Çep a Ewropayê Walter Baier, Parlamentera Tifaqa Çep Kesk a Îtalyayê Francesca Ghirra, Matteo Massa, Endamê Meclîsa Komarê ay Portekîzê Eduardo Jorge Costa Pinto, ji Katalonyayê parlamenter Eulàlia Reguant Cura, ji Desteya Rêveber a CUP a Katalonyayê Blai Tabarner, Rêvebera Koma Piştevaniya Kurd a Partiya Sor a Norwêcê Anne Kulseng Berg, Rêvebera Konfederasyona Karker a Giştî ya Îtalyayê Caterina Posterino, Rêvebera Konfederasyona Karker a Îtalyayê Fracesca Baruffaldi, rojnamevan Benedetta Rossi, Daniela Galie, Serokê Koma Komunîst a Meclîsa Şaredariya Bajarê Mezin a Parîsê Raphaëlle Primet, Rêveberê Eyaleta Hessenê ya Partiya Çep a Elmanyayê Jakob Migenda, Rêveberê Partiya Çep a Elmanyayê Yusuf Karacelik."