Heyva Sor a Kurdîstanî seba wefatê Mala Sebrî Kiliçî yo ke vizêr Hollanda de wefat kerd mesajêkê serweşîye weşana ke Kiliç kedkarê înan bi.

Mesajê Heyva Sor a Kurdîstanî wina yo:

''Ma pê xemginîya pîke xebera wefatê kedkarê dezgehê ma Mala Sebrîyî eşnawit. Mala Sabrîyo ke serranê 1970an ra nata Ewropa de yo beşêko pîl ê cuya xo azadî û hetkarîya merdiman rê feda kerd. Xebatanê ey ê komelkî û polîtîkan reyde wextêkê dergî Mala Sebrîyî bi kedkarêkê Heyva Sor a Kurdîstanî û sembolê fedakarîye. Bi taybetî serranê peyênan ê cuya ey de rîxmê pêro zehmetan û serra ci ya pîle qet xebatanê xêran ra dûrî nêkewt. Derdê ci têna merdiman rê resnayîşê hetkarîye bi.

Nê prosesî de ke hewcetê komelî pê paştdayîş û hetkarîye estbi wefatê Mala Sebrîyî hem seba Heyva Sor a Kurdîstanî û hem zî seba komelî vînbîyayîşêko pîl bi. Kede û tewirê ci her tim do hêz û bawerîye bidê xebatanê ma. Ma reyna sey Heyva Sor a Kurdîstanî keyeyê Mala Sebrîyî rê serweşîye wazenê û dejê înan pare kenê.''