Merkezê Îrtîbatî û Çapemenîye yê HPGyî nasnameyê şehîdêke eşkera kerd. Eşkerayîye wina ya:

‘’Şorişgêra enternasyonalîste ya pîle embaza ma Tîjda Zagros 29ê nîsana 2025î de Warê Xoverdayîşî yê Girê Biharî yê Herêma Şehîd Delîlî ya Rojawanê Zapî yê Herêmanê Pawitişî yê Medya de hêrişê dewleta tirke yê bi droneyê çekdarî de şehîd bîye.

Embaza ma Tîjda rayîrê Ronahî (Andrea Wolf), Nûdem (Uta Schneiderbanger), Şiyar (Jakob Riemer), Sara (Sarah Handelmann), Bager (Michael Panser), Azad (Thomas Johann Spies) û Elefteria (Eva Maria Steiger) teqîb kerd. Aye tarîxê têkoşînê azadîye ser o nameyê xo bi hawayêkê mendeyî nuşt.

Ma sere de keyeyê ey ê ercîyayeyî rê pêro embazanê ma yê enternasyonalîstan û şaran rê serweşîye wazenê. Ma soz danê ke hesreta şehîdanê xo dinyayêka têdûşte, edîle, azade û sosyalîste awan bikerê.

Nasnameyê embaza ma wina yo:

Embaza ma Tîjda Hamburgê Almanya de dadîya xo ra bena. A wextê xoverdayîşê vera DAÎŞî de têgêrayîşê ma nêzdî ra şinasnena û tewra xebatanê ciwananê welatperweran bena. A zanîngeh de beşê huqûqî ra û cuya rehete ra fek veradana û 2017 de tewra gerîlayan bena.

A cade perwerdeyanê xo bi serkewtişî qedînena û adapteya koyan bena. A tewra Hêzanê Taybetan bena û sey gerîlayêka YJA-Starî xo aver bena. A Herêma Şehîd Delîlî ya Rojawanê Zapî de serkêşîya şerî kena. Embaza ma Tîjda tim cinîya azade û sosyalîste bi layîqî temsîl kena. A embazanê xo rê zî tim bena nimûne. Ma soz danê ke xeyalanê aye bîyarê ca.’’