Berlîn de semedê Rojawanî çalakîya hunerî
Fotografkêşanê Rojawanî verê Parlamentoyê Almanyaya Federale de îşxalê tirkan bi portreyanê ke xêz kerdî protesto kerdî.
Fotografkêşanê Rojawanî verê Parlamentoyê Almanyaya Federale de îşxalê tirkan bi portreyanê ke xêz kerdî protesto kerdî.
Vera Vakur û Rojhelatê Sûrîye hêrişê qirkerî yê îşxalkeran û cerganê aye zaf cayanê dinya de bi hawayêkê cîya yenê protestokerdene. Paytaxtê Almanya Berlinî de bi nawitişgehêkê fotografan verê Parlamentoyê Federal de çalakîyêke ameye kerdene.
12 hunermendê fotografan ê Rojawanijan tewrê çalakîye bîyî û çalakîye saete 11:00 de verê parlamentoyî de dest pêkerd. Turîstan û almanan eleqayêko pîl mojna çalakîye. Koma hunermendan ê Rojawanijan ê ke Meryeme Ayşo, Wehîd Tewfîq, Nesrîn Bayam, Xidir Evdilkerîm, Rodî Xelîl, Şîrîn Dawûd, Kewa Katsîkats, Taha Zalî, Arî Mîrza, Hesen Hûîssen, Hasan Mala û Keçî Xomî ra ameyêne meydan verê parlamentoyî de 9 portreyî û şarî ser o tedaya Erdoganî xêz kerdî. Hunermendan kişta pankartê ''Dewleta Tirke û cergê aye wa Vakur û Rojhelatê Sûrîye ra def bibê." de hunerê xo pêşkêş kerd. Hunermendan 9 tabloyê ke xebitnayîşê çekanê kîmyewîyan ê Dewleta Tirke ser o yê temam kerdî. PYD Berlin û Komelê Îslamîya Kurdîstanî (CÎK) zî paştî da çalakîye. Hunermendan bi beyanatêkê hempar ard ziwan ke nêrazîbîyayîşê xo bi rayîrê hunerî îfade kerdî û ê do çalakîyanê xo dewam bikê.