Şaristanê Karlsruhî yê eyaletê Baden Wurttenbergî yê Almanya de kampa multecîyan ê Ellwangenî de multecîyê ke pê vîrusê Korona kewtî û multecîyê weşî neçare vera dîyenê ke pîya bimanê.

Kurdîstanijêkî kampe ra xo resna ANFyî û pare kerd ke şert û mercê ke ê tede yê vera merdimîye yê. Kurdîstanijî ard ziwan ke tay kesî kampe de pê vîrusê Korona kewtî û vat: ''Her kes pîya yo. Înan tay multecîyan têna seba şewêke anê û tîya de verdenê. Dima înan benê cayêkê bînî.''

Kurdîstanijî eşkera kerd ke werd û cuya kampe zaf zehmet a û vat: ''Destûr nêdanê ke ma teberî ra werd bîyarê. Çend rojî verê cû merdimanê mi, mi rê werd ardbi la înan nêverda ke derbazê kampe bikerê. Werdo ke ê danê ma cemêk germ o, cemêk zî serdin o.''