Hemserekê KONGRA-GEL'î Remzî Kartalî vat goreyê xeberanê peyênan îşxalkaranê Tirkî Serekanîyê de dorme girewt  û waşt ke Kurdî û dostê înan her ca de wurzê payan ser.

Kartalî va: '' Goreyê xebaranê peyênan  dewleta Tirkî ya faşîste xo amade kena ke Serêkanîyê de verba pêroyê şar û merdiman qirkerdiş bike. Serêkanîyê rê bêveng nêmanê. Her kes cayê xo de wurzê payan ser. Hem pêroyê parçeyanê Kurdistanî de hem zî cayanê bînan de şarê ma û dostê şarê ma ganî her kes wurzê payan ser. Seba ke ma verê qirkerdişê Serêkanîye bigêrê û bikê ke dezgehê mîyanneteweyî têgerayene, ganî seferberîya pîle bêra kerdene. Sere de NY û dezgehê mîyanneteweyî ganî hemparê qirkerdişê Erdoganî yê Serêkanîyê de mebê ke Erdogan seba statûyê Rojawanî û destkewteyanê Rojawanî biwedare nê qirkerdişan keno. Nê qirkerdişan de rasterast nê dezgehî zî sucdar ê. Ma veng danê ke şarê Kurdî vajê 'hînî bes o'. Ma veng danê dezgehanê mîyanneteweyî ke verê qirkerdişê Serêkanîyê de bigêrê, ambargoyê serê Tirkîya bîyarê ca û nê hêrişan bidê vindertene. Na çarçeweye de ma ancî veng danê şarê xo ke bi ruhê seferberîye têkoşînê Rojawanî û Serêkanîyê de bibê yew, wurzê payan ser û têkoşîn geş bikê."