Înîsîyatîfê Kurdan rê Edaletî kanûna 2021î de seba ke PKK lîsteya terorî ra bêro vetene kampanyayêke dabî destpêkerdene. KCDK-E zî wayîra kampanyaya vera qedexeyê serê PKKyî vejîyena.

Hemserekanê KCDK-E Fatoşe Goksungur û Yuksel Koç derheqê kampanya de ANFyî rê qisey kerd.

Fatoşe Goksungur îfade kerd ke pare kerd ke meclîs, komun û rêxistinê înan seba kampanya xebatanê xo rê dewam kenê û vat: ''Na kampanya do tewirê Ewropa mehkum bikera. Merdimê ke paradîgmaya Rayber Apoyî ra bawe kenê û têkoşînê PKKyî meşrû vînenê înan kampanya daye destpêkerdene. Ma her cayê Ewropa de tewrê kampanya benê, çunke qedexeyê vera PKKyî qedexeyê vera kurdan o.''

Yuksel Koçî ard ziwan ke dewleta tirke bi qedexeyê vera PKKyî pêro kurdan krîmînalîze kena û Ewropa zî Tirkîya rê seba ney rayîr akena. Koçî vat: ''PKK ganî rew ra na lîste ra biameyêne vetene. Seba ke sîyasetê qirkerdişî yê vera Kurdîstanî vindero ganî PKK lîsteya terorî ra bêro vetene. Ma Newroze û 1ê Gulane Roşanê Karkeran de xebatanê xo yê îmza rê dewam bikerê. Ma verî seba Rayberê Şarê Kurdî Ocalanî 10 mîlyon îmzayî arê dabî. Potansîyalê ma esto ke ma Ewropa de xebatanê îmza bikerê.''