Dîwanê Hemserekîye yê Kongreya Demokratîke ya Kurdistanî ya Ewropa (KCDK-E) bi eşkerayîyêka nuştekîye hêrişê îşxalkarî yê serê Vakur û Rojakewtena Sûrîye şermezar kerdî. KCDK-E verba hêrişanê dewleta Tirkî ya îşxalkare vengdayîşê rayraşîyayîşan ê enternasyonalîstan ê 12'ê Teşrîna Verêne (ewro) kerd.

Eşkerayîye de ame parbekerdene ke "Nê hêrişî wareyanê sivîlan rê yenê kerdene û pêroyê cîhanî zaneno ke têna armancê dewleta Tirkî ya îşxalkare qirkerdişê Kurdan o. Ganî şarê Kurdî û şarê Vakur û Rojakewtena Sûrîye verba na barbarîye canê xo sîper bikê. Seba ke no qirkerdiş bêro vindertene ganî ma her cayê Ewropa de û cîhanî de dekewê meydanan û seferber bibê. Ma veng danê her kesî rê ke tewrê rayraşîyayîşanê enternasyonalîstan ê 12'ê Teşrîna Verêne (ewro) bibê."