Festîvala Kulturê Kurdan a Mîyanneteweyîye bibê 9ê êlule de roja şemeyî, şaristanê Frankfurtî yê Almanya de, Rebstockpark û bi şîarê festîvale 'Serra 100. ya Lozanî de meseleya kurdan rê çareserîye, Ocalanî rê azadîye, Kurdîstanî rê statu' do bêra kerdene 

KCDK-E bi eşkerayîyêke venga pêro kurdîstanijanê Ewropa da ke tewrê Festîvala Kulturê Kurdan a Mîyanneteweyîye bibê 

KCDK-E vist vîrî ke festîvala emserîne dîyarîya Evîne Goyî, Abdurrahman Kizil û Mîr Perwerî ameya kerdene û seba festîvale Avusturya, Swîsre, Fransa, Hollanda û Belçîka ra otobusî do wurzê we. 

KCDK-E vat: ''Tirkîya, Kurdîstan û Ewropa ra hunermendî do festîvale de sehne bigêrê û bi des hezaran kesî pîya govend bigêrê. 

Festîvale de vera tecrîdî sloganê azadî, têdûştî û demokrasî do bêrê vatene. Sey KCDK-E ma venga şarê xo danê ke bêrê festîvale. Seba ke festîvale bi asayî derbaz bikera wa her kes bi hîsgerî têbigêro. Ma seferber bibê. Ma festîvale de wayîrê erjanê xo yê rûmet, erd, tarîx û kulturî vejîyê. Ma vengdayîşê 'Ez zî Frankfurt de ya' vila bikerê û xo biresnê bi des hezaran kesan.''