Festîvala Kulturê Kurdan a Frankfurtî 9ê êlula 2023yî de do bêra kerdene. Elfriede Jelineka ke wayîra Xelata Nobelî ya û hunermend Konstantin Weckerî bi mesajêkê vîdeoyî venga her kesî da ke tewrê Festîvala Kulturê Kurdan a Frankfurtî bibo. 

Jelineke û Weckerî mesajê xo de wina vat:

''Serewedaritişê Îranî seba perspektîfê dinya yê femînîstî hêvîyêke afernaye; Jin, Jiyan, Azadî! Têgêrayîşê femînîstanê kurdan na hêvî de wayîrê rolêkê girîngî yê. Şerwaz û sîyasetmedarî nê eşkenê xeyalanê ma qedexe bikerê. 

Hukmatê Almanya paştî dano Erdoganê kiştoxî. Artêşa tirke ya NATOyî 2018 de Efrîn îşxal kerd û vera kurdanê Efrînî sûcanê şerî kena. Rojawan û Kurdîstan ma pêroyînan eleqedar kenê. Rojawan vera pederşahîye, şer û şîdetî cayê demokrasî, femînîz, ekolojî û komelî yo. Coka ma şaranê dinya ra wazenê ke seba Rojawanî û vera şeran vejîyê waran. 

Endama NATOyî Tirkîya koyanê Kurdîstanî de sûcanê şerî kena la nêna muhakemekerdene. Nê sûcan ra yew zî no yo ke 25 serrî verî Andrea Wolf/Ronahîye, hunermend Hozan Hogir û çend kesê bînî Wan de hetê dewleta tirke ra tepişîyayî û bi îşkenceyî ameyî qetilkerdene. 29ê teşrîna peyêne ya 2015î de zî dewleta tirke gorê Andrea xera kerd.

Abdullah Ocalan sîyasetmedarêko kurd o û teorîsyenêk o. O 24 serrî yo Zîndanê Îmraliyî de binê tecrîdî de yo. Seba çareserîya meseleya kurdan ganî Abdullah Ocalanî vera bidîyo û Almanya qedexeyê vera PKKyî wedarna.''