Dîwanê Hemserekîya  KCDK-E derheqê qirkerdişê keyeyê kurdî yê Konya de eşkerayîye daye û veng da ke wa heme kurdîstanijê ke Ewropa de vejîyê kuçeyan.

Eşkerayîye de ame vîrardene ke qezaya Meramî ya Konya de hêrişê faşîstan ê vera keyeyê kurdî yê Dedeogullarî de 3ê înan cinîyî 7 kesî ameyî qetilkerdene û ame vatene ke no qirkerdiş binê kontrolê dewlete de ame kerdene. Eşkerayî de bale ame ser antene  ke dewleta tirke ya ke Başûrê Kurdîstanî de derbanê pîlan wena bi bahaneyê şewatê daristanan hêrişê nîjadperestî heme Tirkîya ra vila kerdî û ame vatene ke wazenê pê hêrişanê faşîstan binkewtişê xo binimnê.

KCDK-E  vera qirkerdişî dej û hersê xo ard ziwan û veng da ke vera hêrişan wa heme kurdî û dostanê înan her ca de vejîyê kuçeyan. Eşkerayîye de ame vatene ke ganî vera hêrişanê sîstematîkan ê dîktator Erdoganî kurdî û heme muxalîfî cade vejîyê meydanan û vera nê hêrişan nêrazbîyayîşê xo ramojnê.