Hemserekîya KCDK-E  eşkerayîyêka bi sernameyê Seba pawitişê ameyoxî û erjanê şarê Kurdîstanî ma vera hêrişanê îşxalî û xayînan xoverdayîşî pîl bikerê''  daye û da zanayene ke 9ê nîsane de welatanê Ewropa, Kanda û Avusturalya de rayraşîyayîş û çalakîyî do bêrê kerdene.

KCDK-E ard ziwan ke dewleta tirke ya kolonyalîste plansazîya hêrişanê îşxalî kena û wazena destkewteyanê kurdan çin bikera. KCDK-E vat: ''Newroza peyêne de kurdîstanijan îradeyê xo eşkera kerd û mojna ke vera hêrişan ê bi ruhê yewîya neteweyîye sere wedarnê û xoverdayîşî pîl bikerê.

Gerîlayî Herêmanê Pawitişî yê Medya de seba rûmetê şarê Kurdîstanî têkoşîn kenê. La PDKyî dewleta tirke reyde planê hêrişanê vera gerîlayan keno. Ganî pêro kurdîstanijî vera ney tewirê xo bimojnê û têkoşînî geş bikerê. Roje na roj a ke kurdî bi ruhê yewîya neteweyîye destkewteyanê xo bipawê, ameyoxê xo bipawê û vera îşxal, qirkerdiş û hêrişanê dewleta tirke xoverdayîşî geş bikerê.

Ma venga şarê kurdî û pêro roşnvîran danê ke 9ê nîsane de welatanê Ewropa, Kanada û Avusturalya de tewrê çalakî û rayraşîyayîşan bikerê.''