2ê teşrîna verêne de polîsanê Fransa strasbourg de hêrişê çalakîya xeyme ya kurdan kerdbi ke semedê azadîya Rayberê Şarê Kurdî Abdullah Ocalanî amebî kerdene. Dîwanê Hemserekîye yê KCDK-E venga Walîtîya strasbourgî da ke hêrişê 'cayê şermî' yê polîsanê Fransa ser o cade eşkerayîye bida û uzrê xo biwaza.

KCDK-E da zanayene ke nawnayîşê Strasbourgî de safhaya diyîne ya Hemleya Wextê Azadîye dîyabî destpêkerdene û kurdan dima ke waştişê xo ardî ziwan dest pê çalakîya xeyme kerd. KCDK-E vist vîrî ke wextê çalakîya xeyme de polîsanê Fransa bi hawayêkê bêrehmî hêrişê çalakîkeran kerd, xeymî parçe kerdî û bi nê hawayî wayîrê hişmendîya DAÎŞ û Erdoganî vejîyayî.

KCDK-E vat: ''Ma venga Walîtîya Strasbourgî danê ke hêrişê cayê şermî ser o eşkerayîye bida û şarê kurdî rê uzrê xo biwaza. Ganî bizanîyo ke hêrişê terorî yê Tirkîya û bêvengîya dewletanê Ewropa do nêeşkê şarê kurdî û dostanê ci têkoşînê heqdarî ra dûrî bigêrê. Ma nê hêrişê îlegalî û qirkerî bi xurtî şermezar kenê û xoverdayîşê biîrade û qerardarî yê şarê xo selam kenê. Ma do heta peyên semedê azadîya Rayber Apoyî meydanan de bibê.''