16ê Çile de do bajarê Strasbourgî yê Fransa de seba paştîdayîşê grevê vêşanîye yê 15 çalakwanan ê ke wazenê tecrîdê serê Ocalanî bişikîyo û seab ke sazîyê Yewîya Ewropa û Konseya Ewropa gureyê xo bica biyarê çalakîyêk bêro viraştene.

KCDK-Eyî derheqê çalekîya xo de îzehetêk da û heme Kurd û dostê înan 16ê Çile de dawetê Strasbourgî kerdî.                                                         

Îzahatê KCDK-Eyî wina yo: “Qewetê mîyanneteweyî yê ke wazenê rojhelatê mîyanênî goreyê menfaatanê xo dîzayn bikerê, tevgera azadî yê kurdî ke vernîya menfaatanê xo de sey bendî vînenê û semedê serokê paradîgmaya neteweya demokratîke rayber Apoyî tasfîye bikerî 20 serrî verî yew komploya mîyanneteweyîye kerde.                   

Sere de xoverrodayîşo destanî yê rayber Apoyî û bi têkoşînê dostanê ma qismê muhîmî yê na komploye veng a ame vetene. Paradîgmaya demokratîk, ekolojî û azadîya cinîyan ke rayber Apoyî aver berda, sere de şarê Kurdistanî, rojhelato mîyanên û dinya de hêvî û heyecano pîl viraşt. Na felsefeya cûya newîye, Rojava de mîyanê şaranê kurd, ereb, asurî- suryanî, ermenî, elewî, tirkmen, êzîdî, musluman û xrîstîyanan û mîyanê bawerîyan de cuya azad-hemduşte û cuya şirîge awan kerde, averşîyayîşê pîlî afernayî û şaranê ma rojhelato mîyanên de kerd sey yew kerdoxî.      

Tevgera Azadîya Kurdan û Rayber Apoyî ke çeteyê DAÎŞî yê barbarî vindarnayî û heysîyetê rojhelatê mîyanîn û merdimîye pawito; sazî û hêzê ke polîtîkayanê lêminan ê dîktator Erdoxanî rê desteg danê wa bizanê ke o,  paştî dano zihnîyetê DAÎŞî û barbarîya înan rê ware akeno.  

Qewetê ke hemverê nê xoverdayîşê destankî de yê, tersayê û na komploye bi destê faşîzmê AKP-MHPyî  aktuel û xorîn kerdê.  Tecrîd, tertele, jenosîdê ke serê şarê kurdan de yenê domnayene, qestê qezencê çar perçeyê Kurdistanî kerdo û no sey şerêk ameyo domnayene. Tecrîd roşnvîr, muxalîf û sosyalîstanê tirkan ser de sey şidet û derdestkerdiş ame xebitnayene. Sey pêroyîya Tirkîya, Kurdistan û rojhelatê mîyanênî de cinî, xortî û tevgerê sivîlî,  bi qirkerdiş û dişmenatîya demokrasî ameyî muamelekerdene. 

Vindarnayîşê jenosîdê AKP-MHPyî û pêroyê polîtîkayanê înan ê qirêj leyminan  rijnayîşê tecrîdî ra vêreno. Seba rijnayîşê faşîzm û tecrîdî û seba azadîya serokî yew dadîya welatperwere, yew cinî û wekîle Leyla Guvene, bi ruhê mîlîtanî yew çalakîya tarîxîye daya destpêkerdene. Leyla Guvene na hemle daye destpêkerdene û bi zîndanan xişin bîye, pê çalakîya Strasbourgî xurt bîye, tekoşîn berz kerdiş û netîce girewtiş wayîrvejîyayîş wazeno. Mexsêdê çalakî ra yew zî vengdayîş û wijdanê însanan de yew hîşarî viraştiş a. Helqaya ke derûdora xoverodayîşî de munîyena, zorî dana  dezgehanê mîyanneteweyîyan zî ke ê wezîfeyê xo bikê û verê şehadetanê muhtemelan zî bêro girewtene. No semed ra çalakîyê ke virazênê do grevê veşanîye temam bikerê û biresnê amacê xo.  Aye ra vengdayîşê çalakwanan rê cewab bîyayîş wezîfeyê pêro însanan o.                                                               

Dezgeh û hêzê mîyannetewîyê ke bi bêvengîya xo paştî danê polîtîkaya leymine ya dewleta tirkî, sere de hemverê Leyla Guvene û grevanê vêşanîye yê ke nuqteya kritîke de yê bi bêvengîya xo wijdanan dirbetin kenê û qedrê însanetî bin pay kenê.                        

Ma heme cinî, xort, şorişger, demokrat, roşnvîr, kesê ke hemverê faşîzimî de yê û dostanê xo yê ke wayîrê rûmet û wijdanî yê bi nameyê KCDK-E û TJK-Eyî û bi beşdarbîyayîşê hevalanê ke grevê vêşanîye yê Strasbourgî de yê dawet kenê ke tewrê çalakîya ma ya 16ê Çile ya ke do verê parlamentoya Konseya Ewropa de bêro viraştene bibê.''