KCDK-Eyî bi wesîleya serrgêra  Qirkerdişê Parîsî yê 9ê Çile yê 2013î yo ke  hîrê cinîyê şorişgêrî yê Kurdan Sakîne Cansize, Fîdan Dogane û Leyla Şaylemeze ameyî qetilkerdene eşkerayîyêk daye.

RAYRAŞÎYAYÎŞÊ PERSAYÎŞÊ HESABÎ

KCDK-Eyî da zanayene ke 12ê Çile de do semedê persayîşê hesabî Parîs de  çalakîyêk bêro viraştene û waşt ke wa her kes tewrê ci bibo.

Eşkerayîye ra tayî cayî wina yê:

“ Seba vîrardişê hemreyanê ma Sakîne Cansize, Fîdan Dogane û Leyla Şaylemez, ma do sey her serre emser zî seba persayîşê hesabî rayraşîyayîşek virazê. Heman wextî de do konseptê qirkerdişê Kurdan ê dewleta Tirkî zî bêro şermezarkerdene.

Ma zaf hole zanê ke Erdogan tena qetilkarê Roboskî, Efrîn, Kobanê, El Bab, Cerablûs û Vakurû Kurdistanî nê heman wextî de qetilkarê Sakîne Cansize, Fîdan Dogane û Leyla Şaylemeze yo.

QETLÎAMÊ PARÎSÎ QIRKERDIŞÊ CINÎYAN O

Delwta Tirkî vera xeta cinîya azade ya ke şexsê hemraya ma Sakîne Cansize de ameye resnayene,  konseptê hêrsêko girdî û qesasî aferna. Qetilkerdişê Sakîne Cansize û di embazanê ciwanan leteyêkê nê konseptî bi. Xora nê qirkerdişî de engiştê dewletanê mîyanneteweyîye zî esta. Ma zaf hole zanê ke Fransa û Almanya na babete de sucdar ê.

GANÎ 12Ê ÇILE DE HER KES PARÎS DE BO

Ma veng danê şarê ma yo ke Ewropa de yo, dostê me û heme temsîlkaranê sazîyanê heqanê merdiman ê mîyanneteweyîye wa 12ê Çile ya 2019î  de seba qetilkaran ra persayîşê hesabî û bicaardişê edaletî wa tewrê çalakîya merkezî ya Parîsî bibê. Ganî yê ke vanê ma vera faşîzmî yê na çalakîye de ca bîgêrê. Tena bi xoverdayîşî konseptê qirkerdişê Kurdan ê Erdoganî yeno vindarnayene. Ma do 12ê Çile de Parîs ra xoverdayîşê Îmrali û çalakîya Leyla Guvene û heme çalakîyanê grevê vêşanîye silam bikerê û qetilkaran ra hesab bipersê.‘‘