Koordînaysonê Komalên Jinên Kurdistanê (KJK) bi eşkerayîyêke hêrişê HTŞyî yê vera elewîyan şermezar kerd û semedê protestokerdişî veng da.

Eşkerayîya KJKyî de ca dîya nînan: ''Yeno waştene ke Sûrîye reyna bikewo mîyanê şerêkê gonînî û şar û mezhebî biverdê yewbînan. Bi hewteyan o bajaranê  sey Latkiye, Humus Tartusî yê Sûrîye de şarê Sûrîye yo elewî raştê îşkence û qirkerdişan yeno. Cinîyê elewîyî hetê çete û terorîstan ke DAÎŞî ra mendî raştê her qeyde zext û tecawuzî yenê. Ma nê qirkerdişê vera elewîyan şermezar kenê.

Hêzê mîyannteweyîyî goreyê hesabanê xo hêzo sey HTŞyî ke qoqê ci El-Kaide yo Şam de kerd îktîdar, kenê ke bi meşrû bikerê û dîzaynkerdişê herême de bişuxulnê. Coka vera hendê qirkerdiş û zextan heme hêzê mîyanneteweyîyî bêveng ê.  No îqtîdaro dişmenê cinîyan ke îradeyê şaran nas nêkeno eşkerayo ke teberê qirkerdiş û zextan de çîyêko bîn destê ci ra nîno.

Ma sere de têgêrayîşê cinîyan ê dinya venga roşnvîran, hêzanê demokratan danê ke wa vera qirkerdişê şarê elewîyan vengê xo berz bikerê. Ma paştî danê şar û cinîyan ê elewîyan û veng danê heme dezgeh û sazgehanê demokratîkan ê cinîyan ê Sûrîye, Tirkîya û Kurdîstanî ke wa hîsgêr nizdî bibê û nê hêrişan protesto bikerê û vera ci tewir bigîrê. Çalakîyanê 8ê Adare de vera qirkerdişanê vera elewîyan vengê xo berz bikerê. Têkoşînê cinîyan eşkeno verê heme şîdetî bigîro. Na çarçewa de sere de cinîyê elewîyan ma roja heme cinîyan ê dinya pîroz kenê.''