Nobeta Azadîye  ya ke 25ê hezîrana 2012î ra nata bajarê  Strasbourgî yê Fransa de semedê azadîya Rayberê Şarê Kurdî Abdullah Ocalanî yena kerdene, hewteyê 640. de ya.

Çalakîya ke her hewte kurdîstanijanê ke welatanê cîya cîyayan ê Ewropa ra yenê, rayra benê no hewte hetê koma Munih ra ameye dewrtirewtene. Koma de ciwanê bi nameyê Abdurrahim Demir, Sinan Ergen, Nurettin İnci û Hesen Ergenî ca genê.

Abdurrahîm Demirî ard ziwan ke înan bi nameyê Meclîsê Şarê Kurdî yê Munihî çalakîye dewr girewte û nê vatî: ''Na çalakîye 12 serrî yo semedê azadîya Rayber Apoyî yena kerdene. Ganî ciwanî wayîrê Rayber Apoyî bivejîyê. Wayîrvejîyayîşê Rayber Apoyî wayîrvejîyayîşê têkoşînê zadîye yê şarê kurdî yo.''

Sînan Ergen zî sere de Rayberê Şarê Kurdî Abdullah Ocalan, Gerîlayê Azadîye yê Kurdîstanî û şarê kurdî selam kerdî û vat: ''Ma sey ciwananê kurdan ewro ameyî nobete dewr girewte. Heta azadkerdişê Rayberîye na çalakîye do dewam bikero. Ciwan û şarê ma ça de beno wa bibo ganî wayîrê Rayberîye bivejîyê. Heta azadkerdişê Rayberîye ma têkoşînî cameverdê.''